Hún pabbi

Heiti verks
Hún pabbi

Lengd verks
75 mínútur

Tegund
Sviðsverk

Um verkið
Hannes Óli Ágústsson, leikari, hélt að hann ætti bara „venjulegan pabba“ en faðir hans var andlega fjarlægur í uppeldi Hannesar. Það átti rætur að rekja til leyndarmáls sem var vandlega falið. Dag einn breyttist allt.
Karlinn sem ól hann upp lét sig hverfa og fram steig Anna Margrét Grétarsdóttir, þá 57 ára gömul. Hún tilkynnti eiginkonu sinni til 30 ára og börnum þeirra tveimur að hún væri í raun ekki sá sem þau héldu öll þessi ár.
Hún var ekki Ágúst Már, heldur Anna Margrét.
Í verkinu Hún pabbi leitar Hannes Óli leiða til að skilja pabba sinn, finna svör við hugsanaskekkjum og þeim spurningum sem leita á huga hans í kjölfar breytinganna. Hann leitar í minningar og dægurmenningu eftir hjálp til að takast á við breytta heimsmynd. Hvernig er rétt að bregðast við í aðstæðum sem þessum og hvað felst í því að vera tillitssamur gagnvart sínum nánustu?
Öll erum við á einhvern hátt að framleiða „hina fullkomnu“ útgáfu af sjálfum okkur til þess að uppfylla ýmsar kröfur samfélagsins. Ástæður geta verið margar; skömm, ótti eða jafnvel einhvers konar „tillitssemi“ í garð sinna nánustu. Óttinn við að særa og verða öðrum til skammar. En hvenær hefur framleiðslan gengið of langt? Hvenær höfum við misst sjónar á því hver við raunverulega erum? Og skiptir það einhverju máli?

Sviðssetning
Einleikur á sviði þar sem notast er við leik, dans, myndir, bók og bíómyndir.

Frumsýningardagur
6. janúar, 2017

Frumsýningarstaður
Borgarleikhúsið

Leikskáld
Kara Hergils og Halla Þórlaug Óskarsdóttir

Leikstjóri
Pétur Ármansson

Danshöfundur
Kara Hergils

Tónskáld
Högni Egilsson

Lýsing
Kjartan Darri Kristjánsson

Leikmynd
Þórdís Erla Zoega

Leikarar
Hannes Óli Ágústsson