Eldklerkurinn

Heiti verks
Eldklerkurinn

Lengd verks
100 mínútur

Tegund
Sviðsverk

Um verkið
Einleikur um séra Jón Steingrímsson.

Jón Steingrímsson er kunnastur fyrir eldmessuna er hann flutti í miðjum Skaftáreldum, en hver var hann, hvaðan kom hann og hver urðu örlög hans? Hér er sögð saga frá 18. öld af góðum bónda, lækni og presti sem þarf að takast á við afleiðingar skelfilegustu náttúruhamfara Íslandssögunnar á tímum örbirgðar og undirokunar.
“Árið 1783 þann 8. júní, sem var hvítasunnuhátíð, í heiðríku og spöku veðri um dagmálabil, kom upp fyrir norðan næstu byggðafjöll á Síðunni svart sandmistur og mokkur svo stór, að hann á stuttum tíma breiddi sig yfir alla Síðuna”.
Þannig segir séra Jón Steingrímsson frá upphafi Skaftárelda í eldriti sínu. Jón var prófastur Vestur-Skaftfellinga á árunum 1778-1791 og sjónarvottur að eldsumbrotunum og áhrifum þeirra. Frá honum eru komnar nákvæmustu lýsingarnar af Skaftáreldum sem varðveittar eru, auk þess sem sjálfsævisaga hans er einstakt rit innan íslenskrar bókmenntasögu og gefur góða sýn inn í daglegt líf og hugmyndaheim fólks á 18. öld. Skarpskyggni Jóns endurspeglast víða í ritum hans og eru lýsingar á Skaftáreldum glöggt dæmi um það.
Leikverkið byggir að mestu á skrifum Jóns, en um leið vekur það spurningar um hliðstæður við hamfarir af völdum manna og náttúru sem yfir þjóðina hafa dunið á síðustu árum.
Höfundur handrits og leikari er Pétur Eggerz, leikstjóri Sigrún Valbergsdóttir, leikmynd gerði Rósa Sigrún Jónsdóttir, búninga Thelma Björnsdóttir og hljóðmynd er eftir Guðna Franzson.

Sviðssetning
Möguleikhúsið

Frumsýningardagur
27. október, 2013

Frumsýningarstaður
Hallgrímskirkja

Leikskáld
Pétur Eggerz

Leikstjóri
Sigrún Valbergsdóttir

Tónskáld
Guðni Franzson

Hljóðmynd
Guðni Franzson

Lýsing
Ólafur Pétur Georgsson

Búningahönnuður
Thelma Björnsdóttir

Leikmynd
Rósa Sigrún Jónsdóttir

Leikarar
Pétur Eggerz

Youtube/Vimeo video

Vefsíða leikhóps/leikhúss eða aðrir tenglar
www.moguleikhusid.is