Hvítt

Heiti verks
Hvítt

Lengd verks
40 míníutur

Tegund
Barnaleikhúsverk

Um verkið
Hvítt er leikandi létt og afar sjónræn sýning fyrir börn frá 1 til 5 ára og fullkomin sem fyrsta reynslan af leikhúsinu. Hún er lærdómur um litina fyrir börnin en áminning um litróf mannlífsins fyrir okkur foreldrana.

Hvítt (White) var frumsýnd á Edinborgar leiklistarhátíðinni árið 2010 af Catherine Wheels leikhúsinu. Árið eftir var hún sýnd á alþjóðlegri leiklistarhátíð Assitej í Kaupmannahöfn og Malmö og var einnig tekin til sýninga á West End í London, á Broadway í New York og í Los Angeles. Verkið hefur verið sýnt um allan heim og farið til Norður og Suður Ameríku, Evrópu, Asíu og Ástralíu og er núna í sýningum í Skotlandi, Frakklandi, Mexíkó og á Broadway í Bandaríkjunum .

Sýningin er nú í fyrsta skipti sýnd í samstarfi við listasafn en það hefur lengi verið draumur höfunda verksins. Frá og með sýningum frá 23. janúar ætlar Hafnarborg að bjóða sýningargestum í einstaka og spennandi ferð með vasaljós um sýningu hafnfirska listamannsins Kristbergs Péturssonar „Hraun og mynd“ þar sem börnin fá einnig tækifæri á að uppgötva litina sem leynast í dökku hrauninu. Í sýningunni hér á Íslandi er líka í fyrsta skipti sem leikararnir eru konur.

Hvítt er framleidd með stuðningi frá Catherine Wheels leikhópnum í Skotlandi, Góðum Gestum, Hafnarfjarðarbæ, Mennta og Menningarmálaráðuneytinu og Hafnarborg lista og menningarmiðstöð Hafnarfjarðarbæjar.

Áhorfendur er boðnir velkomnir á stað þar sem allt er hvítt. Þetta er heimur sem glitrar, glansar og skín á nóttunni og er fullur af fuglasöng og fuglahúsum. Heimurinn er bjartur, skipulagður og hvítur, En uppi í trjánum er ekki allt hvítt. Litirnir birtast. Fyrst rauður….svo gulur …svo blár.

Sviðssetning
Gaflaraleikhúsið

Frumsýningardagur
17. janúar, 2016

Frumsýningarstaður
Hafnarborg lista og menningarmiðstöð Hafnarfjarðar

Leikskáld
Andy Manley og Ian Cameron

Leikstjóri
Gunnar Helgason

Lýsing
Sindri Þór Hannesson

Búningahönnuður
Catherine Wheels leikhópurinn

Leikmynd
Catherine Wheels leikhópurinn

Leikkonur
María Pálsdóttir
Virginia Gillard

Vefsíða leikhóps/leikhúss eða aðrir tenglar
www.gaflaraleikhusid.is