Ballið á Bessastöðum

Ballið á Bessastöðum

Sviðssetning
Þjóðleikhúsið

Sýningarstaður
Þjóðleikhúsið, Stóra sviðið

Frumsýning
29. janúar 2011

Tegund verks
Söngleikur ætlaður börnum og unglingum

Nýtt og sprellfjörugt barnaleikrit um forseta, prinsessu, draug og landnámshænu. Byggt að hluta til á hinum geysivinsælu bókum höfundar, Ballinu á Bessastöðum og Prinsessunni á Bessastöðum.

"Þeir sem eru alltaf með hjartað í buxunum eru ekki með hjartað á réttum stað."

Forsetinn á Bessastöðum er að drukkna í skyldustörfum og bréfaflóði, en dreymir um að stýra gröfu, kynnast skemmtilegu fólki og borða pönnukökur. Hann fær í heimsókn kóng og drottningu, með barnabarnið sitt, prinsessuna. Þegar konungshjónin eru rokin af stað til að skoða íslenska náttúru halda forsetinn og prinsessan í ævintýralega för um fjöll og firnindi, til að koma mikilvægri kransaköku í réttar hendur. En ekki fer allt eins og til er ætlast – enda er gamall, hrekkjóttur bakaradraugur á kreiki og krefst athygli!

Ballið á Bessastöðum er nútímalegt ævintýri fyrir alla krakka, þar sem hinn frumlegi húmor höfundar nýtur sín vel. Tónlistin í verkinu er samin af Braga Valdimar Skúlasyni, höfundi hinnar vinsælu barnaplötu Gilligill.

Ef þú trúir því ekki að beljur kunni að syngja – komdu þá og sjáðu með eigin augum!

Höfundur
Gerður Kristný

Leikstjórn
Ágústa Skúladóttir