Óskar og bleikklædda konan

Staðsetning
Borgarleikhúsið, Litla svið

Frumsýning
6. mars 2009

Tegund verks
Einleikur

Sumar sögur eru svo mannbætandi að skylda ætti fólk til að lesa þær. Óskar og bleikklædda konan segir af Óskari, tíu ára einstökum dreng, sem veit það sem enginn þorir að segja honum, að hann á skammt eftir ólifað. Eldri kona sem er sjálfboðaliði á sjúkrahúsinu, virðist vera sú eina sem hefur þroska og þor til að ræða hið óumflýjanlega við Óskar og ráðleggur honum að skrifa bréf til Guðs. Í bréfunum og samskiptum drengsins og vinkonu hans á sjúkrahúsinu birtist djúp lífsspeki sem þó er uppfull af hlýlegum leiftrandi húmor.

Óskar og bleikklædda konan er eitt þeirra verka sem hreyfa við fólki á eftirminnilegan hátt. Höfundurinn Eric-Emmanuel Schmidt fæddist í Lyon 1960. Hann stundaði tónlistarnám og lauk háskólaprófi í heimspeki. Frá 1991 hefur Schmitt skrifað fjölda leikrita, þeirra þekktast Gesturinn, Abel Snorkó býr einn og Léttúð. Eric-Emmanuel Schmitt skrifaði söguna um Óskar sem lokaþátt í þríleik um hlutverk trúarbragðanna í mannlegu samfélagi.

Höfundur
Eric-Emmanuel Schmitt

Þýðing
Guðrún Vilmundardóttir

Leikstjórn og leikgerð
Jón Páll Eyjólfsson

Leikkona
Margrét Helga Jóhannsdóttir

Leikmynd
Snorri Freyr Hilmarsson

Búningar
Snorri Freyr Hilmarsson

Lýsing
Þórður Orri Pétursson

Tónlist
Hallur Ingólfsson

Hljóðmynd
Hallur Ingólfsson