Grímuhátíðin í Borgarleikhúsinu 16. júní

Efnisyfirlit

Samstarfsaðilar

Forsíða

Fréttir

SJÖUNDA Grímuhátíðin, árleg uppskeruhátíð sviðslista verður haldin þriðjudaginn 16. júní. Hátíðin var fyrst haldin árið 2003 og hefur Leiklistarsamband Íslands staðið fyrir hátíðinni árlega allar götur síðan. Aðildarfélög sambandsins eru öll leikhús, sviðslistahópar, fagfélög og stofnanir innan greinarinnar. Tilnefningar verða kunngjörðar á fréttamannafundi á stóra sviði Borgarleikhússins föstudaginn 29. maí kl. 15. Allir velkomnir!

Hátíðin verður haldin í Borgarleikhúsinu að þessu sinni. Veitt verða verðlaun fyrir leikárið 2008-9 í alls sautján flokkum sviðslista. Í ár verða í fyrsta sinn veitt verðlaun í flokknum hljóðmynd ársins, þar sem frumsköpun á sviði hljóðs er verðlaunuð. Jafnframt verða heiðursverðlaun Leiklistarsambands Íslands veitt þeim listamanni er skilað hefur framúrskarandi ævistarfi í þágu sviðslista.

Alls koma 80 frumflutt verk til álita til Grímuverðlauna árið 2009, þar af 11 útvarpsverk, 15 dansverk, 43 almennar sýningar og 11 leiksýningar ætlaðar börnum og/eða unglingum. Við verkin störfuðu yfir eitt þúsund listamenn.

Tilnefningar verða kunngjörðar á fréttamannafundi á stóra sviði Borgarleikhússins föstudaginn 29. maí kl. 15. Forseti Íslands afhendir þeim listamönnum sem tilnefningar hljóta viðurkenningarskjöl, en forseti er jafnframt verndari Grímunnar. Boðið uppá kaffi og kleinur. Allir velkomnir!

< Fyrri		Næsta >