Grímuhátíðin 2007 er í kvöld!

FUNHEITAR fréttir af rauða dreglinum! Það styttist í einn af hápunktum menningarlífsins. Grímuhátíðin, uppskeruhátíð sviðslistanna veður haldin í fimmta sinn í kvöld. Hátíðin verður glæsileg að vanda og fer fram í Íslensku óperunni í miðbæ Reykjavíkur að þessu sinni og í beinni útsendingu Sjónvarpsins. Rauði dregillinn verður lagður á Ingólfsstrætið og starfsfólk og listamenn Óperunnar verða gestgjafar. Spennan magnast! Hverjir hljóta Grímuna í ár? Baugur Group er máttarstólpi Grímunnar.

Hátíðin hefst með fordrykk kl. 19 í boði Vífilfells og Café Sólon, afhendingin hefst kl. 20 og ballið strax að afhendingu lokinni, um kl. 22 og stendur fram á nótt. Að athöfn lokinni opnar barinn í forsal Óperunnar og einnig verður opnað á milli Óperunnar og Café Sólon þar sem slegið verður upp dansleik. Skiljið bílinn eftir heima!

Sjálf afhendingin verður stórglæsileg þar sem fram koma skærustu stjörnur sviðslistanna. Strax að henni lokinni opnar barinn í forsal Óperunnar og slegið verður upp dansleik á efri hæð Café Sólon. Hljómsveitin Baggalútur, skemmtilegasta hljómsveit landsins, leikur fyrir dansi. Leikin verða fjölbreytt og fjörug lög og ljóst er að svakalegt stuð verður á dansgólfinu.

Dansleikurinn er öllum opinn á meðan húsrúm leyfir. Ferskir ávextir og fljótandi súkkulaði í boði. Bjór á leikaraverði. Veitingastaðurinn Café Sólon er á neðri hæðinni og geta gestir keypt þar málsverð ef mjög svangir eru...

•  Hátíðin hefst kl. 19 með fordrykk í Íslensku óperunni
•  Bein útsending Sjónvarpsins hefst kl. 19.30
•  Þar sem um beina útsendingu er að ræða er mjög mikilvægt að gestir mæti stundvíslega
•  Verðlaunaafhendingin hefst kl. 20
•  Grímuballið hefst kl. 22 í forsal Óperunnar og á efri hæð Café Sólon

•  Snyrtilegur klæðnaður æskilegur

EKKI MISSA AF ÞESSU!