LÍFIÐ er leikhús - Leikhús er lífið! Leiklistardagar 2007 verða haldnir 23. - 27. mars. Leikhús og sviðslistahópar munu bjóða uppá viðburði tengda leiklistinni t.d. umræður að sýningum loknum og ferðir að tjaldabaki. Hátíðinni lýkur með leiklistarþingi á alþjóða leiklistardeginum. Yfirskrift þingsins er Innrás/Útrás og munu fjórir frummælendur halda erindi, þar af tveir erlendir. Þingið verður haldið í Leikhúskjallaranum og eru allir velkomnir á meðan húsrúm leyfir. Aðgangur ókeypis.
HEIÐURSVERÐLAUN Leiklistarsambands Íslands árið 2006 hlaut Frú Vigdís Finnbogadóttir, fyrrverandi forseti Íslands fyrir framúrskarandi ævistarf í þágu menningar og lista. Forseti Íslands, Hr. Ólafur Ragnar Grímsson, afhenti Vigdísi verðlaunin við dynjandi lófatak áhorfenda í Borgarleikhúsinu sem risu úr sætum og ætluðu aldrei að hætta að klappa fyrir leikhússtjóranum fyrrverandi.
EFTIRFARANDI sviðslistamenn eru handhafar Grímunnar - Íslensku leiklistarverðlaunanna 2006.
GRÍMAN þakkar öllum þeim er tóku þátt í kosningu um áhorfendaverðlaun Grímunnar 2006, bæði hér á netinu og í símakosningunni þann 16. júní.